2011

 

Vo Schönebuech bis Lette, vo Lette bis zum Rhy,

Meh ÖV als in Schwelleme? Das cha jo gar nit sy!

 

 


Vo Schönebuech bis Lette

vo Lette bis zum Rhy

hesch frei und wötsch ins Städtli

stiig in 33er ii.

Das Dorfbild isch so fründlig

mit Büss in vielne Farbe

drumm hän mir kei Betrieb so lieb

wie unseri BVB,

drumm hän mir kei AG so lieb

wie unseri BLT.

 

Es krüze Bus und Trämmli

so liebli mitenand

us Bus und Trämmli use

winkt mängi Chauffeurhand.

Dr 6er rast uf Rieche

an Bahnhof kasch dr 48er nä

nai meh ÖV als in Schwelleme

chas würklig niene gä,

nai meh ÖV als in Schwelleme

chas würklig niene gä.

 

All die viele Lütli

wo in d Badi fahre

nämme dr 61 so wie die

vo dr Actelion ohni Chaare.

Dr 64 nimmsch uf Arlesheim

mit em 38 gohts zu de Schwoobe.

do fallt uns uff bi so viel Zahle

mir sin ganz guet verwoobe,

doch nach em loobe tüen mir toobe

und das wäg de Luftproobe.

 

Zu Fluglärm und Baustelle

tüen witeri Problem sich gselle

Abgas und fehlplanti Bushaltestelle

e sone Bus-Chaos hän mir nit welle.

Dr 31 hän mir fascht vergässe

dä kunnt jo au bi uns verbi

nai meh ÖV als in Schwelleme?

das cha jo gar nit sy !

nai meh ÖV als in Schwelleme?

das cha jo gar nit sy !

 

 

 

Soviel verschiedeni Busnummere finde mir e Quatsch

Wenn sie ufzellsch meinsch bisch im Jägerstübli am Lottomatch

Apropos Jägerstübli - dr Erwin isch jo au e gueti Nummere

Dä machts wie mir, är nimmt no ein vor em schlummere.

 

Bim Nummere verteile isch d BVB ganz flissig

All die Zahle mache uns ganz schissig

Soviel Nummere und das bim öffentliche Verkehr

Z glaube dass do alles suuber isch fallt uns also schwer.

 

Zurück                     Zurück