Dr Affä Felse Blues

 

D Frau Holle tobt, s'isch ganz gemein

Vom Chehrus chunsch jetzt chuum no heim

Bärge vo Schnee an jedem Egge

Dr letschti blibt gar dine stecke

 

Am nägschte Tag, s'het uns fascht umghaue

Duet e Arschi-Depp unsere Kreisel baue

Statt Kunscht im Kreisel, chasch nur gaffä

Baut dä doch e Fels für alli Affä

 

Es schneit und schneit us allne Wolke

Do kunnt somene Arsch e Idee mit Folge

Für Schwellheim isch's e grosse Hohn

bekunnt dä Arsch-idekt au no e Lohn

 

Statt Affä im Kreisel, wo niemer het welle

Dien mir dä Depp an Pranger stelle

Nit s'friere - nai - isch s'Schlimme dra

Är het si Schädel offe ka

 

Het s'Hirni glüftet, wie chönnt's au si

Wohl wägem Alk oder dr Geothermie

E Tierlifründ, nit nur Pneu und Reife

Und doch vergisst är dr Zebrastreife

 

Du fahrsch in Kreisel und gsehsch gar nüt

Was hän si sich nur dänggt die Lüt

E paar Stei, e Muur, do kasch viel spare

Nur muesch au öbbis gseh bim fahre

 

Dä Arschi-tekt und sini Affä

Hän e Schandfläck für Schwellheim gschaffe

Drum wenn mir uns nur könnte wehre

Mir würde alli ins Käfig uff d'Insle sperre

 

So loset s'Lied mit sinere tiefe Moral

Affefelse als Kreisel baue isch fatal

Nit pfähle, rädere und au nit schelle

Nai, so grob hän mir's nit welle

 

Und Achtung liebi Baudirektion

No zwei söttigi wäre e Hohn

Das isch dr Kreisel und Banane Blues

E Felse isch was jeder Aff haben muuusss...