2006

 

Aadie Elefanteacker - Willkomme Im Brühl

Dr Frikadelle-Peter nimmt dr Huet

 

 


Zerscht gohts links am Grabe verby,
denn gohts steil bärguff,
Kämpfsch di durch Drägg und Sand,
drby gohsch fascht druff,
Das isch nit dr Jumbo Kreisel
us dr Sicht vom Bagger,
Nai das sin Impressione
vom Elefanteacker.

Nach em Training gohts ab in d Hütte,
zum sich eine in Rache schütte,
Denn packi d Glägehait grad bim Schopf,
und druck e Frikadelle mir in Kopf.
Hesch in Zuekunft Frikadelle welle,
muesch die neu im Stärne bstelle.

Sit Johre wird uff däm Acker ginkt,
wobi gar nit immer alles glingt,
Drum stöhn mir ii für e neue Platz,
Und hoffe d Aasträngig isch nit für d Chatz

So ne Stadion wie dr FCB Joggeli Park,
Mit Whirlpool und Sänftube, das wär stark,
Doch sin mir au scho mehr als froh,
Wenn als Zueschauer nit im Fäld muesch sto.

E Golfplatz isch jo sowieso für d Chatz,
mir hän lieber e neue Tschuttiplatz,
am liebschte eine ohni Gülle,
mit eme Clubhuus wo chasch d Lampe fülle.

Will d Infrstruktur fähle tuet,
Nimmt dr Peter jetzt dr Huet,
Danke Peter für dini Frikadelle,
Schad, mir hätte si witerhin welle.

 

Zurück                     Zurück