2003

 

Abfahre mit Spare

 

 


Unseri Gmeini muess jetzt spaare
Das hän mr am eigene Lyyb erfahre
Für s'Rueftaxi hätt's aber allewyl glänggt
Wenn me an unseri Sicherheit hätt dänggt.

Hallo mi Name isch Martin Krach
Und was ich gmacht ha, isch e kriminelli Sach
I stand am Lindeplatz mit voller Bloose
Wart uf s'Trämli und mach fascht in d'Hose
Kai Problem dängg ich mir do
Und will uf die öffentlichi Schissi go.

Dört stoht "wäge Vandalismus gschlosse"
Doch ich muess und ha drum beschlosse
Mir gwaltsam Ytritt z'verschaffe
Au wenn die andere blöd tüen gaffe
Doch jetzt weiss ich wenigschtens wieso
Sie das Schild hän abrocht do.

Am 1. August het s'Fürwärk miesse verschwinde
"Lueget das vo Basel, s'isch grad dört hinde.."
jetzt waissi ändlig, wieso die so vyl Färnrohr bstelle
nur verstandi nyt, wieso si die nyt uf d Läubere stelle.

Au ich ha welle dr Gmeini-Naihkurs bsueche
Doch wo ich d'Prise gseh ha, hanni miesse flueche
Drby hanni für d'Gmeini - ich ka nyt duurebligge
Für ihri Massnahme welle e Sparstrumpf strigge.

Spaare spaare heisst's no immer
S'wird jo alewyl no schlimmer
Jetzt sin mir scho bi 58 Prozänt
Und sehn, dass sie keini Idee me händ.

Letschti hanni am Dorfplatz miesse s'Trämli verloh
Um mi vom Druck z'befreie uf em öffentliche Klo
Jetzt stand ich vorne dra und ka's nyt begryffe
Wäge Vandalismus muess ich jetzt in d Hose schiffe.

 

Zurück                     Zurück