2001

 

E bombä Gäg im Lättäwäg

 

 


Au s'letscht Schueljohr isch ändlig verbi
Und d'Sekundarschuel isch nit grad e Bombä gsi
Au schulde uns d'Lehrer, es stoht zwar nit gschriibe
Ä Week-End in de Alpä, so sin mir verbliibe.

Bim Fuessballspiil vo de Abschiedsklasse
Hän sich d'Schüeler welle dr Ball zuepasse
Und dr Sieger vo däm Getschutte
Wär mit de Lehrer uff die aagsprocheni Route.

Voller Wuet sait dr Tommi zum Meggä
"Das isch nüm luschtig, die sölle alli verreggä"
"Das löhn mir uns nit gfalle, dä Räktor isch e Schuft"
"Chumm mir jage die Schuel grad in d'Luft."

"Mainsch e richtigi Bombä, mit vill kawumm
Bisch öbbe wahnsinnig oder sogar dumm ?"
"Nai nit richtig, nur so fintiert
Das het bim DJ Bobo au scho funktioniert !"

Wär jetzt maint das sig e bombä Idee
Däm fählts im Hirni das muesch gseh
Droge, Gwalt und Anarchie
Schwellheim - s'Vorstadt Ghetto, das dörf nit si !

Noch dr zwaite Drohig isches em Meury nümm zem spasse
Är holt d'Polizei und versammlet alli Klasse
Au bi de Schüeler stöhn nümm vill uffem Stuehl
Wo rüefe: "Ändlig isch wieder öbbis los an unsere Schuel !"

E ganzi Schuel in Schutt und Äsche
Nur wäge sonere Plaudertäsche
Statt schuelfrei hän sie jetzt d'Schmier im Nacke
Und vo de Eltere git's hoffentlig au no eins uf d'Backe.

Die Junge wärde als wie krasser und schlimmer
Obwohl bim Walde stoht's sogar im Klassezimmer
Erscht wenn s'Hirni iigschalte isch, söllsch s'Muulwärk betätige
Aber gwüssi lerne's nie, das könne mir bestätige.

 

Zurück                     Zurück